عائلة سمير غانم تحيي ذكرى وفاته.. دنيا: العالم هيفضل فاكرك.. وإيمي: كل يوم صعب

دنيا: «العالم كله هيفضل فاكرك»

إيمي: «كل يوم صعب عليا مش بس النهاردة»

الرداد: «الذكرى الأولى لأخف دم وأطيب قلب»

رضوان: «إزاي عدت سنة.. وحشتونا أنت وديدي»

سمير غانم

أحيت الفنانة دنيا سمير غانم، الذكرى السنوية الأولى لرحيل والدها، ونشرت صورة الفنان سمير غانم، عبر حسابها على إنستجرام، وكتبت: «بابي حبيبي أنت في كل لحظة معايا، بحبك أوي يا أجمل وأعظم أب وفنان في الكون».

كما دعت متابعيها لمشاركتها الدعاء فأضافت: «ربنا يرحمك يا رب ويسعدك ويدخلك فسيح جناته، العالم كله هيفضل فاكرك وهيفضل فاكر موهبتك العظيمة اللي مفيش زيها يا مصدر سعادتنا في حضورك وفي غيابك، نسألكم الفاتحة».

سمير غانم وابنته دنيا

وبدورها كتبت إيمي سمير غانم: «النهاردة الناس بتقولي معلش يوم صعب عليكي، ميعرفوش إن كل يوم صعب عليا، بابي حبيبي أنت النفس اللي بتنفسه، ولما لنام وأشوفك والله بصحى أضحك لوحدي، ربنا يغفر لك يا رب ويفرحك في الجنة إن شاء الله زي ما فرحتنا في حياتك.. بحبك من قلبي للأبد، نسألكم الفاتحة».

وعلى صفحته الرسمية بموقع «فيسبوك» نشر الفنان حسن الرداد، صورة للفنان سمير غانم مصحوبة بتعليق: «الذكرى السنوية الأولى لحبيبي أخف دم في الدنيا وأطيب قلب، كان دائماً واقف مع الناس وبيعمل خير كتير بينه وبين ربنا، اللهم اغفر له وارحمه وادخله الجنة مع الأبرار، أرجو الدعاء لله بالرحمة والمغفرة».

سمير غانم وحسن الرداد ورامي رضوان

كما نشر الإعلامي رامي رضوان على حسابه على «إنستجرام» صورة تجمعه بالفنان سمير غانم، ومعهما الفنان حسن الرداد، وكتب: «مش عارف ازاي وإمتى عدت سنة، والله وحشتونا قوي يا أطيب قلب وأخف روح حضرتك وأحلى ديدي، يا رب تكونوا مبسوطين ومرتاحين ومتهنيين، ربنا يجمعنا بكما في الجنة يا رب، نسألكم الدعاء لهما وقراءة الفاتحة على روحهما الطاهرة».