هواة التزلج يستمتعون بشوارع خالية من السيارات في رالي بورسعيد

ارتدى المئات من الشبان المصريين معدات التزلج الخاصة بهم للمشاركة في رالي بورسعيد الأول للتزلج بالعجلات الذي استضافته المدينة المطلة على قناة السويس، وقال المنظمون إن الحدث هو الأول من نوعه في البلاد.

وأوضح عبد الفتاح حافظ وهو مدير عام في مديرية الشباب والرياضة ببورسعيد "اللي إحنا بصدده النهاردة مهرجان كبير يقام لأول مرة وإن شاء الله هو هيبقى المهرجان الأول لمحبي وعشاق رياضة السكيتنج. لمن لا يعرف هذه الرياضة دي التزحلق بشكل عام بيمارس رياضة وبشكل هاوي آه إنما بيساهم من أجل نشر السياحة ومن أجل تنشيط السياحة لمصر بشكل عام وبورسعيد بشكل خاص".

وتجمع ما يقرب من 800 من عشاق رياضة التزلج من مختلف المدن المصرية من أجل المشاركة في الرالي الذي امتدت مسافته لأربعة كيلومترات تقريبا عبر المدينة يوم الجمعة (27 مايو أيار).

وسنحت لهم الفرصة للتعرف على بعضهم البعض وممارسة رياضتهم المفضلة، سواء كانوا من الهواة أو المحترفين.

وأثنى الشاب خضر وهو قائد فريق محلي للتزلج على التجهيزات قائلا "النهاردة ماراثون أول مرة يحصل في الجمهورية ماراثون الصراحة لذيذ، التجهيزات لذيذة جدا، اللعبة بتعرف الناس على بعضها أكتر، بلعب بقالي أربع سنين، اللعبة ممتعة جدا مابتخدش وقت من المذاكرة نهائي، ما بتأثرش على حياتي العملية خالص، بكمل في مذاكرتي أكيد بخلص شغلي بخلص مذاكرتي وفي نفس الوقت بفك عن نفسي باللعبة".

ونظم الحدث محافظة بورسعيد والهيئة العامة للتنمية السياحية ووزارة الشباب والرياضة بهدف الترويج للسياحة المحلية في المدينة.

وقالت إحدى المشاركات وتدعى تسنيم مصطفى "النهاردة اليوم مميز قوي أول مرة يتعمل في مصر يوم زي كده، ومدعوم من مؤسسات كتيرة جدا ودي حاجة كويسة، أحسن حاجة النهاردة حصلت إنهم قفلولنا الطريق من العربيات لإن أكتر حاجة بنواجهها إن بيكون فيه حوالينا عربيات ده، بيخلينا نتصاب كتير جدا ودي أسوأ حاجة ممكن حد يتعرض لها، الإصابة ممكن تفضل لحد أسبوعين وده بيأثر على مستواك في اللعبة".